3 желтоқсан күні Алматы қаласындағы №199 мамандандырылған гимназияда Дүниежүзілік ЖИТС-пен күрес күніне арналған ақпараттық кампания аясында семинар өтті. Іс-шара ЮНЭЙДС ұранымен өтті: «Сын-қатерлерден — АИТВ-ға қарсы күрестегі өзгерістерге».

Семинарды Алматы қалалық ЖИТС-тың алдын алу және оған қарсы күрес орталығының мамандары өткізді. Дәрігерлер АИТВ-ның алдын алудың заманауи тәсілдері, инфекцияның жұғу жолдары мен тұрақты тестілеудің маңызы туралы айтып берді.

Кездесу барысында АИТВ-мен өмір сүретін адамдарға қатысты стигма мен кемсітуді азайту мәселесіне ерекше назар аударылды. Спикерлер қоғамдағы қолдау мен ақпараттанудың АИТВ-ға қарсы күрестегі маңызды рөлін атап өтті.

Қатысушылар ақпараттық материалдар алып, өздерін қызықтырған сұрақтарды қоюға мүмкіндік алды.

#ЖИТСорталығыАлматы #АИТВғажоқkz